L-ESCO (il-Klassifikazzjoni Ewropea ta’ Ħiliet, Kompetenzi, Kwalifiki u Impjiegi) tista’ titniżżel mingħajr ħlas bit-28 lingwa kollha tal-ESCO. Sabiex ittejjeb l-esperjenza tal-utenti, l-ESCO toffrilhom approċċ faċli biex iniżżlu l-klassifikazzjoni. Ippersonalizza l-pakkett tiegħek li se tniżżel billi tapplika filtri speċifiċi u aċċessa l-verżjonijiet kollha f’diversi formati: SKOS-RDF (ttl), ODS, u CSV. Tista’ wkoll tniżżel settijiet ta’ pakketti multipli fl-istess ħin.
Wara li tagħżel il-pakkett(i) tiegħek li se tniżżel, se tittieħed fil-paġna tad-dikjarazzjoni tal-privatezza. Aqraha bir-reqqa, aċċetta d-dikjarazzjoni tal-privatezza speċifika u mbagħad ipprovdi l-indirizz tal-email tiegħek biex tirċievi link ħalli tniżżel is-sett tad-data li tkun għażilt. Innota li biex tniżżel l-ESCO, m’hemmx rekwiżiti oħra ħlief li taċċetta d-dikjarazzjoni tal-privatezza. Aktar dettalji dwar il-proċess tat-tniżżil u spjegazzjoni tal-kontenut f’dawn il-pakketti tad-data huma pprovduti hawn taħt.
Għal appoġġ tekniku, jekk jogħġbok uża l-formola ta’ kuntatt tal-ESCO.
Aktar informazzjoni dwar il-pakketti tal-ESCO li se tniżżel:
Biex tniżżel l-ESCO b’lingwa speċifika fil-format CSV jew ODS, jekk jogħġbok agħżel il-filtri li ġejjin:
- Verżjoni: Agħżel il-verżjoni preferuta tiegħek
- Kontenut: Agħżel il-klassifikazzjoni
- Lingwa: Agħżel il-lingwa preferuta tiegħek
- Tip ta’ fajl: Agħżel it-tip ta’ fajl li tippreferi, jew agħmel diversi għażliet.
Pereżempju, biex tniżżel l-ESCO v1.1.1 bil-lingwa Ingliża u fil-format CSV, agħżel:
- Verżjoni: Sett tad-data tal-ESCO – v1.1.1
- Kontenut: klassifikazzjoni
- Lingwa: mt
- Tip ta’ fajl: csv
*Nota: l-għażla tal-lingwa indipendenti hija spjegata fit-taqsima li jmiss.
Tista’ taċċessa d-data tal-RDF għall-ESCO fil-format ttl billi ssegwi l-passi ta’ hawn taħt. Dan jippermettilek tniżżel is-sett tad-data komplut tal-ESCO bil-lingwi kollha disponibbli għal verżjoni speċifika.
Pereżempju, biex tniżżel l-ESCO v1.1.2 fil-format ttl, agħżel:
- Verżjoni: v1.1.2
- Kontenut: klassifikazzjoni
- Lingwa: indipendenti mil-lingwa
- Tip ta’ fajl: ttl
You can directly download the file in rdf format for v1.2.0 via this link .
Biex tniżżel il-fajl delta mitlub, agħżel:
Verżjoni: Agħżel il-verżjoni preferuta tiegħek
Kontenut: Agħżel il-klassifikazzjoni
Lingwa: indipendenti mil-lingwa
Tip ta’ fajl: csv
L-aġġornamenti tal-ESCO jiġu f’żewġ tipi: Maġġuri u Minuri.
- L-aġġornamenti maġġuri jinvolvu bidliet sinifikanti, bħal pereżempju meta jinħoloq kontenut ġdid, isiru reviżjonijiet semantiċi jew xi aġġustamenti fil-mudell tad-data. Pereżempju, il-verżjoni maġġuri li jmiss, l-ESCO v.1.2.0, skedata li tiġi rilaxxata f’Mejju 2024, se tintroduċi aġġornamenti sostanzjali. Pereżempju, l-aħħar verżjoni maġġuri, l-ESCO v.1.2.0 li ħarġet f’Mejju 2024, introduċiet aġġornamenti sostanzjali.
- Min-naħa l-oħra, l-aġġornamenti minuri jiffukaw biss fuq it-titjib tal-kwalità mingħajr ma jintroduċu kontenut ġdid. Normalment dawn il-bidliet jinkludu aġġustamenti fir-relazzjonijiet kunċettwali, modifiki fit-tikketti, korrezzjonijiet tipografiċi, u traduzzjonijiet. Pereżempju, il-verżjonijiet minuri ESCO v1.1.1 u v1.1.2 jikkonsistu prinċipalment fit-titjib tal-kwalità.
Biex il-bidliet bejn il-verżjonijiet ikunu jistgħu jinftiehmu aħjar, l-ESCO tipprovdi fajls delta. Dawn il-fajls jagħtu tagħrif dettaljat għall-implimentaturi tal-ESCO billi jiddokumentaw kull bidla bejn il-verżjonijiet. Pereżempju, jekk tniżżel il-fajl delta għall-verżjoni v.1.1.2, tkun tista’ tara d-differenzi bejn il-v1.1.2 u l-verżjoni preċedenti v1.1.1. Il-fajls delta jistgħu jitniżżlu esklussivament fil-format CSV.
Ladarba jniżżlu l-fajls, l-utenti jkunu jistgħu jużaw il-kolonna C biex jiffiltraw l-entrata tal-bidla li tinteressahom. Meta l-bidla fid-data tkun teħtieġ traduzzjoni ġdida, it-traduzzjoni l-qadima u dik ġdida jitqabblu fil-kolonna D u E, filwaqt li l-lingwa tkun tista’ tintgħażel fil-kolonna G.
Peress li l-ESCO 1.1 kienet it-tieni ħarġa maġġuri tal-ESCO, ippubblikata f’Jannar 2022, fit-taqsima tal-Pubblikazzjonijiet tista’ ssib ukoll fajl delta aktar dettaljat għal dik il-verżjoni maġġuri.
Biex tniżżel l-API Lokali agħżel:
- Verżjoni: Agħżel il-verżjoni preferuta tiegħek
- Kontenut: Agħżel l-API Lokali
- Lingwa: indipendenti mil-lingwa
- Tip ta’ fajl: zip
Il-Kummissjoni qed tipprovdi aċċess għall-klassifikazzjoni tal-ESCO permezz ta’ API (Interfaċċa għall-Ipprogrammar tal-Applikazzjonijiet). API hija komponent tas-software għall-iżviluppaturi biex jaċċessaw id-data u s-servizzi ħalli jibnu kull tip ta’ applikazzjoni malajr u b’mod robust. L-API tal-ESCO hija sett ta’ servizzi u funzjonalitajiet biex applikazzjonijiet oħrajn ikunu jistgħu jaċċessaw il-klassifikazzjoni tal-ESCO. Permezz tagħha, l-organizzazzjonijiet li jkunu qed jibnu applikazzjonijiet għas-suq tax-xogħol jew għall-edukazzjoni/taħriġ ikunu jistgħu jużaw il-klassifikazzjoni multilingwi tal-ESCO f’dawn l-applikazzjonijiet. Il-kontenut tal-messaġġi li jintbagħtu permezz tal-APIs ikun ibbażat fuq il-mudell tad-data tal-ESCO speċifikat fil-Lingwa tal-Web tal-Ontoloġija (OWL). L-ESCO toffri żewġ tipi differenti ta’ APIs: l-API tas-Servizzi tal-Internet tal-ESCO u l-API Lokali tal-ESCO li jistgħu jitniżżlu minn din il-paġna skont il-passi spjegati hawn fuq.
Biex taċċessa informazzjoni dettaljata dwar l-istruttura tal-pakketti tal-ESCO li se tniżżel, inklużi l-fajls li se tirċievi u r-relazzjonijiet bejniethom, jekk jogħġbok irreferi għall-paġna tal-Istruttura tas-Settijiet tad-Data tal-ESCO li Jistgħu Jitniżżlu.
Jekk ikollok xi mistoqsijiet uża l-formola ta’ kuntatt tal-ESCO pprovduta hawn fuq.
Twitter
Facebook
Linkedin
Email